日期：2010-7-27
上兩回講了一些技術方面的資料，這回講一講故事。
神壇師傅寫開市日記
話說一個神棍論壇師傅苦思到底怎樣可以令個神壇多人供奉，因為多人供奉就會多香油錢，搞新活動又可以掠水，多人進入個神壇還會有源源不絕的廣告收入。師傅知道班信眾希望看到自己每天隨筆寫幾句以畏藉心靈、指點迷津，於股海中有所收獲以回報曾經奉上的香油錢，於是乎就打算每天寫幾段廢話出來。但發覺到處都有財星財演評論，而自己過去經歷最多只是經理仔一名，每日工作又不是主力採購開股票貨物，一定吾可以好似人地只做賽後收市評論，必須要做賽前開市日記，才能持續吸引到班信眾。
不過自己知自己事，始終自己吾系神，要班信眾無咁易拆穿自己西洋鏡，就要每天寫嘅野吾好錯得太離譜（雖然當日之後或者可兜翻），但其實無咁易做到。苦思之下，終於被佢想到條屎橋，就是在好多C9和MB以為早上十時才開市嘅時間將預早已經寫好的其中幾段野張貼出來，內容當然要包括開市恒指預計升跌，那幾隻股票號碼要留意，間中也提一提期指即市買賣，等班信眾每天準時一擁而上個個爭先恐後去望，怕死會執輸咁。
個師傅見到班信眾前仆後繼咁去望自己寫嘅野，雖則心知其實是9UP但也沾沾自喜，以為自己真的好像《糕剩》揸弗人每天都做著神做嘅事，可以瞞得全世界。誰不知其實兩個同樣都是患上思覺失調症。
為防止有人識穿自己在妖言惑眾，師傅還曉得利用《國王的新衣》一招，話只有誠心信佢嘅叻人才能參透神嘅玄機。
註：上兩回見 http://finance.discuss.com.hk/viewthread.php?tid=12510541
http://finance.discuss.com.hk/viewthread.php?tid=12628067
問題來了，師傅其實系點樣做準備寫開市日記令到好似成日準嘅呢？
答中無獎，但知道答案，有可能足以令人變成一個萬人景仰嘅神（棍），因為神壇師傅粗略估計自己三數年間應可掠到40次以上施壇作法 x 平均5000 以上香油錢 x 50以上信眾 = 過千萬無走雞嘅risk-free return，還未包括其他活動及廣告收益。Return雖未算是同道中最top一個，五名以內應該無走雞。
要做到其實不難，答案就是將所有的情況都預先寫好，何況如有需要還有ADR與黑期可做參考。
雖然股市可升可跌（又或有可能大致平開），其實只須預先準備兩份（三份如考慮埋平開）不同市況的文本就可以了。如有需要，待9：50競價時段結束出了開市價，還有足夠時間看期指及國內上證表現略作修改。然後準時10時正張貼出來。
9：50出了開市價便知道那些股票價格有異動，便可寫出那幾隻股票要留意。
期指更是9：45已開市，所以如9：45至10：00有明顯波幅，便可寫期指即市一開市即揸/沽並平倉而賺了多少了。
日記如仍有不準，只需看當日市況找個理由解釋一下兜翻便可。
雖然股市可升可跌（又或有可能大致平開），其實只須預先準備兩份（三份如考慮埋平開）不同市況的文本就可以了。如有需要，待9：50競價時段結束出了開市價，還有足夠時間看期指及國內上證表現略作修改。然後準時10時正張貼出來。
9：50出了開市價便知道那些股票價格有異動，便可寫出那幾隻股票要留意。
期指更是9：45已開市，所以如9：45至10：00有明顯波幅，便可寫期指即市一開市即揸/沽並平倉而賺了多少了。
日記如仍有不準，只需看當日市況找個理由解釋一下兜翻便可。
